90 კილოგრამ წონით კატეგორიაში მოჭიდავე ქართველმა ძიუდოისტმა ვარლამ ლიპარტელიანმა ბრაზილიაში მიმდინარე მსოფლიოს ჩემპიონატზე მეორე შეხვედრა მოიგო და მეოთხედფინალში გავიდა.
ფრანგი ლუდოვიკ გობერის იპონით ძლევის შემდეგ ლიპარტელიანი გერმანელ მარკ ოდენტალს დაეჭიდა და წუთნახევარში ულამაზესი გდებით გააკრა ტატამს.
მეოთხედფინალში საქართველოს ნაკრების წევრის მეტოქე შვედი ჟოაკიმ დვარბი იქნება.
