საქართველოს ძიუდოისტთა ნაკრების წევრი ამირან პაპინაშვილი, მსოფლიოს რეიტინგში, თავის წონით კატეგორიაში მეექვსე ადგილამდე დაწინაურდა. 60 კილოგრამ წონით კატეგორიაში მოჭიდავე ქართვილი, მართალია, ბოლო ორ უქმეებზე ჩატარებულ მოსკოვის დიდ სლემსა და ბუქარესტის მსოფლიოს თასზე არ გამოსულა, მაგრამ 2 საფეხურით წინ მაინც წაიწია, რაც მისი კონკურენტებისთვის შარშანდელ ტურნირებზე მოპოვებული ქულების განახევრებამ გამოიწვია.
ძიუდოს საერთაშორისო ფედერაციის ოფიციალურმა ვებგვერდმა, განახლებულ რეიტინგსია დღეს გამოაქვეყნა და მასში ქართველთაგან ყველაზე მეტად ბუქარესტულ კვარცხლბეკზე ასულებმა იხეირეს. შეგახსენებთ, რუმინულ ტურნირზე ქართული გუნდის ოთხი წევრი ფინალში გავიდა. ბეთქილ შუკვანმა (60 კგ), ავთანდილ ჭრიკიშვილმა (81 კგ) და ზვიად გოგოჭურმა (90 კგ) გადამწყვეტ შეხვედრებშიც იმარჯვეს, ხოლო ზვიად ხანჯალიაშვილი (+100 კგ) ვერცხლს დასჯერდა.
შუკვანი საჩემპიონო 100 ქულით 34-ე ადგილიდან 24-მდე დაწინაურდა და აქამდე თავისზე წინ მდგომ დავით ასუმბანს 2 საფეხურით გაუსწრო. ჭრიკიშვილი მსოფლიოს თასამდე 48-ე პოზიციას იკავებდა, ამჟამად კი, 34-ე ადგილზეა, საერთო 284 ქულით. გოგოჭურმა სულაც 38-საფეხურიანი ნახტომი გააკეთა და 146 ქულით რეიტინგის 48-ე ნომერია. მართალია, ხანჯალიაშვილმა მხოლოდ 60 ქულა მიითვალა, მაგრამ ეს მონაგარიც ეყო ქართველ მძიმეწონოსანთა შორის დასაწინაურებლად. გასულ უიქენდამდე ადამ ოქრუაშვილი ლიდერობდა, ამჯერად კი, იგი 31-ე პოზიციაზეა, ხოლო ხანჯალიაშვილი მასზე 6 ნაბიჯით წინ.
საუკეთესო ათეულში, პაპინაშვილის გარდა, ქართული გუნდის კიდევ ერთი წევრია – 90 კილოგრამში მოჭიდავე ვარლამ ლიპარტელიანი 666 ქულით მე-9 ადგილს იკავებს.
საქართველოს ნაკრების ყველა კანდიდატის სარეიტინგო მაჩვენებელს და შვიდივე წონითი კატეგორიის საუკეთესო ხუთეულს აქვე გთავაზობთ.
ოთარ მაღლაკელიძე
60 კგ
1 რიშოდ სობიროვი (უზბეკეთი) 2350
2 გიორგი ზანთარაია (უკრაინა) 1224
3 ჰიროაკი ჰირაოკა (იაპონია) 1000
4 არსენ გალსტიანი (რუსეთი) 942
5 ბესლან მუდრანოვი (რუსეთი) 774
6 ამირან პაპინაშვილი 748
24 ბეთქილ შუკვანი 360
26 დავით ასუმბანი 325
79 პაატა მერებაშვილი 64
80 ნესტორ ხერგიანი 62
181 სოსო ნიჟარაძე 10
66 კგ
1 ცაგაანბაატარ ჰაშბაატარი (მონღოლეთი) 1478
2 ალიმ გადანოვი (რუსეთი) 1340
3 ჯუნპეი მორიშიტა (იაპონია) 1280
4 მუსა მოგუშკოვი (რუსეთი) 1021
5 როკ დრაკშიჩი (სლოვენია) 856
40 შალვა ქარდავა 196
122 ზაზა კედელაშვილი 30
130 პაატა მერებაშვილი 28
141 უჩა ხუციშვილი 24
148 სანდრო იაკობაშვილი 22
166 გიორგი შოშიაშვილი 18
170 მიხეილ ხომიზური 16
192 არსენა მაჭარაშვილი 12
203 გიორგი ფერსაშვილი 10
73 კგ
1 კი-ჩუნ ვანგი (სამხრეთ კორეა) 1524
2 დირკ ვან ტიჩელტი (ბელგია) 1010
3 დექს ელმონი (ჰოლანდია) 1000
4 მანსურ ისაევი (რუსეთი) 946
5 ჰიროუკი აკიმოტო (იაპონია) 940
31 ნუგზარ ტატალაშვილი 236
43 ამბაკო ავალიანი 176
50 ზაზა კედელაშვილი 148
70 თენგიზ პაპოშვილი 100
134 დავით ქევხიშვილი 30
134 დავით კუპრაშვილი 30
161 ზვიად ბაზანდარაშვილი 20
175 ზურაბ ნოზაძე 16
215 მიხეილ ხომიზური 10
215 დავით კობერიძე 10
81 კგ
1 ჯაე-ბუმ კიმი (სამხრეთ კორეა) 1760
2 ლეანდრო გილეირო (ბრაზილია) 1300
3 ივან ნიფონტოვი (რუსეთი) 882
4 იან ბარტონი (ბრიტანეთი) 878
5 ელნურ მამადოვი (აზერბაიჯანი) 870
24 ლევან წიკლაური 360
34 ავთანდილ ჭრიკიშვილი 284
55 დავით კარბელაშვილი 146
116 ხვიჩა ხუციშვილი 40
135 დავით ქევხიშვილი 30
139 იოსებ წელაური 28
206 პაატა ღვინიაშვილი 8
225 გიორგი ბაინდურაშვილი 6
225 დავით ჭაბუკაშვილი 6
234 გრიგოლ შინჯიკაშვილი 4
90 კგ
1 ილიას ილიადისი (საბერძნეთი) 1416
2 ტაკაში ონო (იაპონია) 1306
3 დაიკი ნიშიამა (იაპონია) 1288
4 კირილ დენისოვი (რუსეთი) 1238
5 ელხან მამადოვი (აზერბაიჯანი) 1020
9 ვარლამ ლიპარტელიანი 666
48 ზვიად გოგოჭური 146
56 მინდია ბოდაველი 136
89 საბა გავაშელიშვილი 58
111 ლაშა გურული 34
117 გრიგოლ მამრიკიშვილი 30
135 გიორგი ცოციაშვილი 24
181 ბეთქილ ნავერიანი 6
100 კგ
1 ტაკამასა ანაი (იაპონია) 1536
2 ჰენკ ხროლი (ჰოლანდია) 1224
3 მაქსიმ რაკოვი (ყაზახეთი) 1084
4 სერგეი სამოილოვიჩი (რუსეთი) 946
5 ტაგირ ხაიბულაევი (რუსეთი) 928
17 ლევან ჟორჟოლიანი 516
30 ირაკლი ცირეკიძე 304
54 დავით ლორიაშვილი 108
72 რევაზ ჩიკოიძე 56
88 ალექსანდრე მსხალაძე 36
110 ნოდარ მეტრეველი 20
118 ზურაბ ზვიადაური 18
+100 კგ
1 ტედი რინერი (საფრანგეთი) 2080
2 ისლამ ელ შეჰაბი (ეგვიპტე) 1540
3 ანდრეას ტოლცერი (გერმანია) 1186
4 სუნგ-მინ კიმი (სამხრეთ კორეა) 836
5 აბდულო ტანგრიევი (უზბეკეთი) 874
25 ზვიად ხანჯალიაშვილი 324
31 ადამ ოქრუაშვილი 254
39 ლაშა გუჯეჯიანი 176
85 ნოდარ მეტრეველი 46
127 გიგა გუბელაძე 8
