პოლონურმა ინტერნეტპორტალმა sport.fakt.pl-მა ყურადღება ბიალისტოკის “იაგიელონიას” ქართველი ლეგიონერის მიერ ახალი ავტომანქანის შეძენაზე გაამახვილა.
ხსენებული პორტალის ინფორმაციით 22 წლის ფეხბურთელმა “მერსედესი” 250000 პოლონურ ზლოტად შეიძინა, რაც დაახლოებით 60000 ევროს ექვივალენტია. სპორტ.ფაკტ.პლ-ი ყურადღებას ამახვილებს, რომ ასეთი ავტომანქანისთვის თანხის გამომუშავება იოლი არაა და მსგავს “მერსედესზე” პოლონელთა უმრავლესობა მხოლოდ ოცნებობს. თუმცა, ძალამიძეს საკმაოდ კარგი ანაზღაურება აქვს, რომ ასეთი ავტომანქანა ჰქონდეს. გამოცემა იუწყება, რომ ქართველი ახლა ყურადღებას არა მხოლოდ მოედანზე იქცევს, არამედ, საავტომობილო გზებზეც.
