პოლონეთის ექსტრაკლასას 27-ე ტურის დასკვნით მატჩში ლადო დვალიშვილის ვარშავის “ლეგია” გასვლაზე გლივიცეს “პიასტს” შეხვდა. მასპინძლებმა მედგარი წინააღმდეგობა გაუწიეს გათამაშების ერთპიროვნულ ლიდერ დედაქალაქელებს. შეხვედრის დასრულებამდე რამდენიმე წამით ადრე ანგარიში საყაიმო 1:1 გახლდათ, მაგრამ მსაჯის მიერ კომპენსირებულ მეოთხე წუთზე საქართველოს ნაკრების ფორვარდ დვალიშვილის ზუსტმა დარტყმამ “ლეგიას” 2:1 მოგება და 3 ქულა მოუპოვა.

პოლონეთის ექსტრაკლასას 27 ტურის შემდეგ ვარშაველებს 54 ქულა აქვთ და 7 პუნქტით უსწრებენ უშუალო მდევარ პოზნანის “ლეხს”.