ლადო დვალიშვილს მართლაც შედეგიანი წელიწადი აქვს: ვარშავის "ლეგიაში" ჩემპიონი და თასის მფლობელი გახდა, გოლი გოლზე გააქვს და საინტერესო სტატისტიკა გამოაქვეყნა პოლონურმა Fakt-მა. დვალიშვილს საშუალოდ 73 წუთში ერთხელ გააქვს გოლი, რაც მართლაც მშვენიერი შედეგია – პოლონეთში საუკეთესო.
ლადოს მიმდინარე ექსტრაკლასაში 517 წუთი უთამაშია და 7 გოლი გაუტანია, რამდენიმე ტური კი გაუცდა. ბომბარდირთა დავაში "შლიონსკის" ფორვარდი მარკო პაიშაო ლიდერობბს 9 გოლით, თუმცა მას 1009 წუთი აქვს ნათამაშევი და საშუალოდ 126 წუთში ერთხელ გააქვს.
"ვეცდები, მომდევნო შეხვედრებშიც შედეგიანად ვითამაშო. წინ ორი მნიშვნელოვანი მატჩი გველის: ევროპის ლიგაზე "ტრაბზონსფორთან" და ჩემპიონატში "ლეხთან” – თქვა დვალიშვილმა, რომელმაც გასულ ტურში "პიასტთან" ორივე ბურთი თავით შეაგდო.
