ლადო დვალიშვილს სურს, რომ ის, რაც გასულ პოლონურ სეზონში დააკლდა, აინაზღაუროს. ვარშავის "ლეგიას" ფორვარდმა განაცხადა, რომ ამ სეზონში გასულზე მეტი გოლის გატანა აქვს მიზნად. ლადომ ჩემპიონატ-თასიანად 17 გოლი მიითვალა და ჯერ კი ადრეა იმის განსჯა, შესძლებს თუ არა ქართველი თავდამსხმელი მიზნის მიღწევას.

ჯერჯერობით, კარგად მიდის დვალიშვილი: ექსტრაკლასას პირველ ტურში არ უთამაშია, თუმცა ოთხშაბათს ჩემპიონთა ლიგის საკვალიფიკაციო ეტაპზე უელსურ "ნიუ სეინთს" გადამწყვეტი გოლი გაუტანა და გუშინაც გამოიჩინა თავი: პოლონეთის ჩემპიონატის მეორე ტურში გასვლაზე "პოგონთან" საბოლოო ანგარიში დააფიქსირა - 0:3.

ლადო 56-ე წუთზე შევიდა მინდორზე, 83-ეზე კი მარჯვნიდან ჩაწოდებული დაბალი ტრაექტორიის ბურთი ერთი შეხებით გადაგზავნა კარში.

აღსანიშნავია, რომ ამ შეხვედრაში "პოგონის" კამერუნელი ფორვარდი დონალდ ჯუსი გააძევეს - შეგახსენებთ, რომ ჯუსი წლების განმავლობაში თბილისის "დინამოში" თამაშობდა.   

დვალიშვილის გოლი: 3:28-დან

https://www.youtube.com/watch?v=RoGXFxuDoU8