ბრაზილიის საფეხბურთო კონფედერაცია ეროვნული ნაკრების ახალი მთავარი მწვრთნელის შესახებ უკვე ჩამოყალიბდა. Globo-ს ცნობით, “სელესაოს” მესაჭის პოსტზე 50 წლის კარლოს დუნგა დაბრუნდება.
მოგეხსენებათ, დუნგა ფეხბურთელობის დროს ბრაზილიის ნაკრების კაპიტანი გახლდათ. მსოფლიოს 2010 წლის ჩემპიონატზე, დუნგა “სელესაოს” მთავარი მწვრთნელი გახლდათ, მაგრამ მისმა გუნდმა არცთუ წარმატებულად იასპარეზა. საგულისხმოა, რომ დუნგას კანდიდატურას მხარს ბრაზილიის ფეხბურთის კონფედერაციის ახალი გენერალური მენეჯერი ჟილმარ რინალდი უჭერდა, რომელთანაც სპეციალისტს კარგი ურთიერთობა აქვს.
შეგახსენებთ, რომ მსოფლიოს 2014 წლის ჩემპიონატზე წარუმატებელი ასპარეზობის გამო, ბრაზილიელებმა მთავარი მწვრთნელის თანამდებობიდან ლუიშ ფელიპე სკოლარი დაითხოვეს.
