"მაიამის" უკანახაზელი დუეინ ვეიდი და "ლეიკერსის" ლიდერი კობი ბრაიანტი ნბა-ს გასული კვირის საუკეთესო მოთამაშეებად დასახელდნენ”, - იტყობინება ლიგის ოფიციალური საიტი.
მოქმედმა ჩემპიონმა "ჰიტმა" გასულ კვირაში ოთხივე მატჩში იმარჯვა, ხოლო ზედიზედ მოგებულ მატჩთა სერია 18-მდე გაზარდა. უეიდი საშუალოდ მატჩში 25,3 ქულას, 5 შედეგიან გადაცემას, 4,3 მოხსნას და 3,5 ჩაჭრას აგროვებდა. კობი ბრაიანტმა კი, თავის მხრივ, საკუთარ გუნდს ბოლო 4 მატჩიდან სამჯერ გაამარჯვებინა, "შავი მამბას" საშუალო მონაგარი კი ასე გამოიყურებოდა - 33 ქულა, 8,8 პასი და 5,8 მოხსნა.
კვირის საუკეთესო მოთამაშის ტიტულზე პრეტენზიას ასევე აცხადებდნენ: პოლ პირსი ("ბოსტონი"), დერონ უილიამსი ("ბრუკლინი"), ტაი ლოუსონი ("დენვერი"), მაიკ კონლი, მარკ გასოლი (ორივე - "მემფისი"), ლებრონ ჯეიმსი ("მაიამი"), ჯეი არ სმიტი ("ნიუ იორკი"), კევინ დურანტი ("ოკლაჰომა"), ჯამირ ნელსონი ("ორლანდო"), დემიენ ლილარდი ("პორტლენდი") და ამირ ჯონსონი ("ტორონტო").

გიორგი ბარბაქაძე