გერმანული “დორტმუნდის” მარცხენა მცველი მარსელ შმელცერი ტრავმირებულია და ის გუნდს უახლოესი ერთი თვის განმავლობაში ვერ დაეხმარება.

UEFA-ს ოფიციალური ვებგვერდის ცნობით, შმელცერმა საზარდული ჩემპიონთა ლიგის 1/8-ფინალის განმეორებით მატჩში, “ზენიტთან” წაგებულ შეხვედრაში (1:2) მიიღო.

ცნობილია, რომ 26 წლის ფეხბურთელი ბუნდესლიგის 5 თამაშის გარდა, ჩემპიონთა ლიგის 1/4-ფინალის ორივე დაპირისპირებას გამოტოვებს. შეგახსენებთ, რომ გერმანელები მადრიდის “რეალს” დაუპირისპირდებიან და პირველ თამაშს, დისკვალიფიკაციის გამო, რობერტ ლევანდოვსკიც დააკლდება.

მარსელ შმელცერმა, ბუნდესლიგის მიმდინარე გათამაშებაში, 17 თამაში ჩაატარა, 1 გოლი გაიტანა და 3 შედეგიანი გადაცემა გააკეთა.