გერმანულ “დორტმუნდს” საკადრო პრობლემები არ ელევა. იურგენ კლოპის გუნდს, ამჯერად, მატს ჰუმელსი და მარსელ შმელცერი გამოაკლდნენ.

ორივე ფეხბურთელმა ტრავმა ინგლისთან 1:0 მოგებულ შეხვედრაში მიიღო. ჰუმელსს ტერფის ძვალი აქვს გატეხილი და მას მინიმუმ 2 თვე გაუცდება. რაც შეეხება შმელცერს, რომელსაც წვივის არეში კუნთი აქვს დაზიანებული, ის 3 კვირაში დაბრუნდება.

შეგახსენებთ, რომ “დორტმუნდის” ლაზარეთში უკვე იმყოფება კიდევ ერთი მცველი ნევენ სუბოტიჩი, რომელიც მიმდინარე სეზონში ვეღარ ითამაშებს.