გერმანიის ბუნდესლიგის ლიდერმა დორტმუნდის “ბორუსიამ” ჩემპიონატის მორიგი ტურის მატჩში, შესაძლოა, ერთბაშად სამ ცენტრალური მცველი მოისაკლისოს.
შაბათს დორტმუნდელები “ნიურნბერგს” ეწვევიან და მატს ჰუმელსის და ნევენი სუბოტიჩის გარდა, რომლებიც ჩემპიონთა ლიგაზე “ნაპოლისთან” გამართულ შეხვედრაში დაშავდნენ, კითხვის ნიშნის ქვეშაა სოკრატის პაპასტატოპულოსის თამაშიც, რომელსაც ფეხი ჰქონდა ამოვარდნილი და აღდგენით პროცესს განაგრძობს.
“ჯერ ზუსტად არ ვიცით ვის ვათამაშებთ, მაგრამ ვიმედოვნებთ, რომ პაპასტატოპულოსი თამაშს მოახერხებს. იგივეს თქმა შემიძლია ჰუმელსზე. ამ ორი მოთამაშის მოედანზე გასვლის შანსი არსებობს. “ნიურნბერგის” წინააღმდეგ თამაში იოლი არაა, მაგრამ ბოლო დროს ჩვენ მათთან მუდამ წარმატებებს ვაღწევდით და იმედია, ეს ტრადიცია გაგრძელდება” – განაცხადა “დორტმუნდის” სპორტულმა დირექტორმა მიხაელ ცორკმა.
