გერმანიის ვიცე-ჩემპიონ “დორტმუნდს” იტალიური “რომას” ნახევარმცველის – მირალემ პიანიჩის შეძენა სერიოზულად აქვს გადაწყვეტილი. La Gazzetta dello Sport-ის ცნობით, გერმანელებმა იტალიელ კოლეგებს გაუმჯობესებული წინადადებით მიმართეს.

თავდაპირველად, დორტმუნდელებმა რომაელებს ბოსნიელის სანაცვლოდ 12 მილიონი შესთავაზეს, მაგრამ უარი მიიღეს. სადღეისოდ, “დორტმუნდი” პიანიჩში 15 მილიონი ევროს გადასახდელადაა მზად. ჯერჯერობით, “ჯალოროსი” პასუხს არ ჩქარობს.

ცნობისათვის, იტალიის ჩემპიონატის გასულ სეზონში, პიანიჩმა 27 მატჩი ჩაატარა და 3 გოლი მიითვალა.