საფეხბურთო მენეჯერმა დმიტრი სელიუკმა განაცხადა, რომ ქართველი მოთამაშეებიდან, ვისთანაც ურთიერთობა ჰქონია, ყველაზე “კაშკაშა” გიორგი დემეტრაძე იყო.

“საქართველოში კარგი კავშირები მქონდა და ჩემი წყალობით ბევრი ქართველი ფეხბურთელი უფრო ძლიერ კლუბში მოხვდა. ცქიტიშვილი, ჯამარაული, კიკნაძე, ჩალაძე და ბევრი სხვა ევროპაში სწორედ მე წავიყვანე. ის ფაქტორი მეხმარებოდა, რომ ძალიან კარგი ურთიერთობა მქონდა დავით ყიფიანთან და საქართველოს ფეხბურთის ფედერაციის მაშინდელ პრეზიდენტ მერაბ ჟორდანიასთან. მერაბთან დღემდე ახლო ურთიერთობა მაქვს. ვისთანაც ურთიერთობა მქონდა, ყველაზე “კაშკაშა” ქართველი გიორგი დემეტრაძე იყო. 18 წლის ასაკში “ფეიენოორდში” წავიყვანე, ხოლო შემდეგ “ალანიაში”. მას შემდეგ, გიორგი ჩემთვის შეგირდად კი არა, შვილივით იქცა” – იუწყება სელიუკის სიტყვებს tribuna.com-ი.