მადრიდის “მასტერზ1000”-ის წლევანდელ გათამაშებაზე უარი ნოვაკ ჯოკოვიჩმა და როჯერ ფედერერმა სხვადასხვა მიზეზით თქვეს, ესპანეთის დედაქალაქში თავისი პირველი მატჩი წააგო რეიტინგსიის მესამე ნომერმა სტანისლას ვავრინკამ და შეჯიბრება ავსტრალიის ღია პირველობის მოქმედი ჩემპიონის გარეშე გაგრძელდება.

29 წლის ვავრინკამ კლასიფიკაციაში 70-ე საფეხურზე მყოფ ავსტრიელ დომინიკ ტიმთან 6:1, 2:6, 4:6 წააგო. მატჩი საათსა და 45 წუთს გაგრძელდა და ამ სათამაშო დროის განმავლობაში 20 წლის ტიმმა 3 ბრეიკი და ეისი შეასრულა. ვავრინკა და ტიმი მადრიდში ერთმანეთს პირველად შეხვდნენ.

მერვედფინალში ტიმი რუს მიხაილ იუჟნისა და ესპანელ ფელისიანო ლოპესს შორის მოგებულს შეხვდება. 

ვავრინკას რაც შეეხება, მან მიმდინარე სეზონში მესამე მატჩი წააგო და ბოლო 6 თვის განმავლობაში პირველად დამარცხდა ტურნირის სასტარტო შეხვედრაში. “დამაჯერებლად ვერ გამოვიყურებოდი, მეტოქე კი აქტიურად თამაშობდა და მოგება დაიმსახურა. თიმს კარგად ვიცნობ და იგი მაღალი დონის ჩოგბურტელი დადგება”, - განაცხადა სტანისლასმა ავსტრიელთან მატჩის შემდეგ.