შოთა ჯიქია, რომელიც გასულ სეზონში ერევნის “ულისესში” გამოდიოდა, კარიერას კაპანის “განძასარში” გააგრძელებს.

ახალ გუნდში 28 წლის ქართველი თავდამსხმელის დებიუტი ევროპის ლიგის პირველ საკვალიფიკაციო ეტაპზე შედგა.

“განძასარმა” საკუთარ მოედანზე ყაზახეთის “აქტობესთან” 1:2 წააგო, ხოლო სასტარტო შემადგენლობაში მყოფი ჯიქია 86-ე წუთზე შეცვალეს.

აქვე გეტყვით, რომ განვლილ სეზონში, სომხეთის 8-გუნდიან პრემიერლიგაში “განძასარმა” მე-3 ადგილი დაიკავა.