“ლივერპულის” კაპიტანი სტივენ ჯერარდი თანაგუნდელ ლუის სუარესისა და “პარი სენ-ჟერმენის” თავდამსხმელ ზლატან იბრაჰიმოვიჩის თამაშით აღფრთოვანებულია. ინგლისელმა ნახევარმცველმა ეს ურუგვაელი და შვედი ფეხბურთელები კრიშტიანუ რონალდუსა და ლიონელ მესის შეადარა.

“მესი და რონალდუ მსოფლიოს საუკეთესო ფეხბურთელები არიან. სუარესს და იბრაჰიმოვიჩს მათ სიახლოვეს დავაყენებდი. ლუის სუარესის წინააღმდეგ თამაში ყველას უჭირს. ის უძლიერესია და მიხარია, რომ ერთი გუნდის ღირსებას ვიცავთ” – განაცხადა ჯერარდმა.