იტალიური ინტერნეტგამოცემები tuttomercatoweb.com-ი და genovatoday.it-ი იუწყებიან, რომ “ჯენოას” ჰოლანდიური “ვიტესის” ნახევარმცველის, გიორგი ჭანტურიას შეძენა სურს.

გავრცელებული ინფორმაციით, გენუელები მზად არიან, ჰოლანდიურ კლუბს, რომლის მეპატრონე მერაბ ჟორდანიაა, 2,5 მილიონი ევრო გადაუხადონ. სხვათა შორის, “ჯენოას” ქართველის შეძენა შარშან ზაფხულშიც სურდა და 4 მილიონ ევროს იხდიდა, მაგრამ მაშინ ტრანსფერი არ შედგა. აქვე გეტყვით, რომ განვლილ სეზონში “ჯენოამ” იტალიის სერია A-ში მე-17 ადგილი დაიკავა.

ამჟამად ჭანტურია “ვიტესის” შემადგენლობაში ვარჯიშობს. მას 8-მატჩიანი დისკვალიფილაცია აქვს, რომელიც “ალანიას” რიგებში თამაშისას, მოსკოვის “დინამოს” თავდამსხმელ ალექსანდრ კოკორინთან ჩხუბისთვის მიიღო.