"დეტროიტის" ფორვარდი ჯეისონ მაქსიელი, უახლოეს პერიოდში თვალის ბადურაზე ოპერაციას გაიკეთებს, რის გამოც, მისთვის მიმდინარე სეზონი ნაადრევად დასრულდა, - იტყობინება The Associeted Press.

გასულ კვირას მაქსიელმა მედიკოსებს მიმართა გაუარესებული მხვედელობის დიაგნოზით. ექიმთა გადაწყვეტილებით, ჯეისონს ოპერაცია დასჭირდება. კალათბურთელი გუნდს აღარ გაყვა ჩიკაგოში "ბულზთან" დაპირისპირებაში სათამაშოდ და "პისტონზის" პრესსამსახურის ინფორმაციით, ფორვარდი დიდი ხნის განმავლობაში ვეღარ დაეხმარება გუნდს.

შეგახსენებთ, რომ 2012-13 წლების რეგულარულ გათამაშებაში, მაქსიელმა 72 შეხვედრაში მიიღო მონაწილეობა, მისი საშუალო მონაგარი კი 6,9 ქულა, 5,7 მოხსნა და 1,3 დაფარება გახლდათ.