”მაიამი ჰითის” ფორვარდი ლებრონ ჯეიმსი 2011-2012 წლების სეზონის ყველაზე სარგებლიან მოთამაშედ (MVP) დასახელდა. აღნიშნულის შესახებ ინფორმაციას ეროვნული საკალათბურთო ასოციაციის (NBA) ოფიციალური ვებ-გვერდი ავრცელებს.
აღსანიშნავია, რომ ჯეიმსს ამგვარი პატივი უკვე მესამედ ერგო, ადრე კი იგივესთვის ნბა-ს ლეგენდებს კარიმ აბდულ-ჯაბარს, მაიკ ჯორდანს, ბილ რასელს, უილტ ჩემბერლენს, ლარი ბერდს, მეჯიკ ჯონსონსა და მოუზეს მელოუნს მიუღწევიათ.
ჯეიმსის საშუალო მონაგარი 27.1 ქულა, 7.9 მოხსნა და 6.2 პასი გახლდათ. ლებრონი ლიგის ისტორიაში მხოლოდ მე-4 კალათბურთელი გახდა, რომელმაც მსგავსი მაჩვენებლების დაფიქსირება ორ სხვადასხვა სეზონში შესძლო. ადრე, ამგვარი რამ ოსკარ რობერტსონს, ჯონ ჰავლიჩეკსა და ლარი ბერდსაც მოუხერხებიათ.
გამოკითხვაში, რომელსაც სეზონის უძვირფასესი მოთამაშე უნდა გამოევლინა, აშშ-სა და კანადის წარმომადგენელი 121 ჟურნალისტის მონაწილეობდა. 85-მა მათგანმა ჯეიმსი პირველ ადგილზე დააყენა, ჯამში კი ”მაიმის” ერთ-ერთმა ვარსკვლავმა 1074 ქულა მიიღო.
სეზონის პირველ ხუთეულში ასევე მოხვდნენ: ”ოკლაჰომა სიტის” ფორვარდი კევინ დიურანტი (889 ქულა, 24 პირველი ადგილი), ”კლიპერსის” გამთამაშებელი კრის პოლი (385, 6), ”ლეიკერსის” მცველი კობი ბრაიანტი (352, 2) და ”სან ანტონიოს” გამთამაშებელი ტონი პარკერი (331, 4).