საქართველოს ქალთა 71-ე საჭადრაკო ჩემპიონატის ლიდერმა ლელა ჯავახიშვილმა (2430) პირველობა კიდევ უფრო განიმტკიცა. მე-7 ტურში ჯავახიშვილმა თეთრი ფიგურებით ნინო ხომერიკი (2047) დაამარცხა და თავი 6.5 ქულას მოუყარა.

ახლა, ლელა უახლოეს კონკურენტებს – მერი არაბიძეს (2374), სოფიო გვეტაძეს (2334) და ნინო ხურციძეს (2456) 1.5 ქულით უსწრებს და ჩემპიონობასთან ძალიან ახლოსაა.

აღსანიშნავია, რომ გასულ ტურში ფრედ არცერთი პარტია დასრულებულა, თანაც, ერთის გარდა, ყველა შეხვედრა შავებით მოთამაშე მოჭადრაკეებმა მოიგეს. ჯავახიშვილის გარდა, წარმატებას არაბიძემ, გვეტაძემ, ხურციძე, სოფიკო გურამიშვილმა (2400) და ნინო ბაციაშვილმა (2428) მიაღწიეს.

ჩემპიონატის დასრულებამდე 4 ტური რჩება, მომდევნო ტურის პარტიები კი 26 თებერვალს ჩატარდება.

საქართველოს ქალთა 71-ე საჭადრაკო ჩემპიონატი. მე-7 ტური

სოფიო ნიკოლაძე (2201) – მერი არაბიძე (2374) 0:1

ანა კუჭავა (2149) – სოფიკო გურამიშვილი (2400) 0:1

ინგა ხურცილავა (2232) – სოფიო გვეტაძე (2334) 0:1

ლელა ჯავახიშვილი (2430) – ნინო ხომერიკი (2047) 1:0

ბელა ხოტენაშვილი (2527) – ნინო ბაციაშვილი (2428) 0:1

ნანი უნაფქოშვილი (2016) – ნინო ხურციძე (2456) 0:1

სატურნირო მდგომარეობა

6.5 – ჯავახიშვილი; 5.0 – არაბიძე, გვეტაძე, ხურციძე; 4.5 – გურამიშვილი, ხოტენაშვილი; 3.5 – ხომერიკი; 3.0 – ბაციაშვილი; 2.0 – კუჭავა; 1.0 – ნიკოლაძე, უნაფქოშვილი, ხურცილავა.

მე-8 ტური

არაბიძე – ხურციძე

ბაციაშვილი – უნაფქოშვილი

ხომერიკი – ხოტენაშვილი

გვეტაძე – ჯავახიშვილი

გურამიშვილი – ხურცილავა

ნიკოლაძე – კუჭავა