ჯანო ანანიძე “როსტოვში” ითამაშებს განათხოვრებით. მოსკოვის “სპარტაკმა” და როსტოვულმა კლუბმა შეთანხმებას მიაღწიეს: “სპარტაკს” თუ სურვილი ექნება, იანვარში შეეძლება ფეხბურთელის დაბრუნება, თუ არადა, გაისად ზაფხულს.
“როსტოვმა” გასულ სეზონში მე-13 ადგილი დაიკავა და რუსულ პრემიერლიგაში პლეი ოფში მოგებით დარჩა: “სკა-ენერგიას” აჯობა. “სპარტაკმა” ასევე “როსტოვში” გაანათხოვრა ფორვარდი არტიომ ძიუბა.
აქვე ვთქვათ, რომ ჯანოს იჯარით აყვანა “ურალსაც” სურდა, ხოლო არნემის “ვიტესს” ფეხბურთელის შეძენა უნდოდა, მაგრამ “სპარტაკმა” ქართველი არ გაყიდა.
