“ოკლაჰომა სიტი სანდერის” ფორვარდმა კევინ დიურანტმა მიყოლებით ჩატარებული იმ მატჩების რაოდენობით, რომლებშიც 25 ან მეტი ქულა ჩააგდო, ლეგენდარული მაიკლ ჯორდანის რეკორდი დაამხო. “ფინიქს სანზთან” წაგებულ (115:122) შეხვედრაში დიურანტმა 38 ქულა ჩააგდო და წარმატებული სერია 41 თამაშამდე აიყვანა.

მიმდინარე სეზონამდე ჯორდანი უკანასკნელი 40 წლის განმავლობაში ერთადერთ კალათბურთელად რჩებოდა, ვისაც მიჯრით 40 შეხვედრის განმავლობაში, მინიმუმ 25 ქულას აგდებდა. მაიკლმა ეს მაჩვენებელი 1986-87 წლების სეზონში დააფიქსირა.

დიურანტს 5 შედეგიანი მატჩი დარჩა, რათა ოსკარ რობერტსონის (46) შედეგი გაიმეოროს, კიდევ ერთი ლეგენდარული კალათბურთელის – უილტ ჩემბერლენის (80) რეკორდის დამხობა კი წარმოუდგენლად სჩანს.