საქართველოს ყველაზე ტიტულოვანი გუნდი თბილისის ”დინამო” საშობაო და საახალწლო არდადეგების შემდეგ შეკრების გავლას აპირებს. ამის შესახებ “მსოფლიო სპორტს” “დინამოს”პრეზიდენტმა ვახტანგ ნაცვლიშვილმა განუცხადა.
“ნაახალწლევს საქართველოს თასისა და 23-ე ეროვნული ჩემპიონატის მე-2 წრისათვის მზადების მიზნით 10 იანვრიდან შეკრების გავლას ვაპირებთ. ჯერჯერობით, არ ვიცით, სად, მაგრამ ეს მოგვიანებით დაზუსტდება,” – გვითხრა ნაცვლიშვილმა.
შეგახსენებთ, რომ “დინამომ” 2013-14 წლების საკალათბურთო სეზონი ძალიან კარგად დაიწყო. იგი საქართველოს ჩემპიონატის ერთპიროვნული ლიდერია. პირველი წრის დასრულების შემდეგ კი, შესანიშნავად იასპარეზა ზურაბ საკანდელიძე-მიხეილ ქორქიას მემორიალზე, რომელსაც არსებობის მანძილზე პირველად დაეუფლა.
