საქართველოს დავით ყიფიანის თასის ნახევარფინალში თბილისის “დინამომ” რუსთავის “მეტალურგის” ორრაუნდიან დაპირისპირებაში დამაჯერებელი ძლევის შემდეგ გააღწია.

ბოლო პერიოდში დედაქალაქელები და ქვემოქართლელები მესამედ შეხვდნენ ერთმანეთს. ორივე სათასო ბატალია დინამოელებმა დამაჯერებლად, რუსთავში 2:0, თბილისში კი 4:1 მოიგეს, ეროვნული ჩემპიონატის მატჩში კი მეტალურგებმა ბორის პაიჭაძის “დინამო არენაზე” 1:0 იმარჯვეს.

მეოთხედფინალის დღევანდელი საპასუხო პაექრობის ბედი პირველ ტაიმში გადაწყდა, რომელიც “დინამომ” 3:0 მოიგო. შესვენების შემდეგ მასპინძლებმა მეოთხედაც აიღეს რუსთაველთა კარი, რასაც სტუმრებმა პრესტიჟის გოლით უპასუხეს.