თბილისის “დინამომ” ანთალიაში მორიგი საკონტროლო შეხვედრა ჩაატარა. ქართული კლუბი ხორვატიის ერთ-ერთ ყველაზე ტიტულოვან გუნდს, სპლიტის “ჰაიდუკს” დაუპირისპირდა. მატჩი მალხაზ ჟვანიას შეგირდების მარცხით – 1:2 დასრულდა.

გასული მატჩის პირველი ნახევარი ხორვატი ფეხბურთელების უპირატესობით წარიმართა. დინამოელთა კარის მიმართულებით ჰაიდუკის ფეხბურთელებმა რამდენიმე სახიფათო იერიში განახორციელეს. დაპირისპირების 30-ე წუთზე დინამოელთა მთავარ მწვრთნელს იძულებითი ცვლილების განხორციელება თურქული შეკრების მეორე ტესტ-მატჩშიც მოუწია. დაშავებული კაპიტნის გიორგი ლორიას ნაცვლად, მოედანზე ნიკა დაუშვილი გამოვიდა.

შეხვედრის 34-ე წუთზე სპლიტელმა ფეხბურთელებმა ანგარიში გახსნეს, “ჰაიდუკის” სწრაფი შეტევა კოასიმ გოლით დაასრულა.

შეხვედრის მე-2 ტაიმი დინამოელთა სათამაშო უპირატესობით დაიწყო. ქართველმა ფეხბურთელებმა “ჰაიდუკის” კარს მწვავედ შეუტიეს, მაგრამ საკუთარ კარში მეორე ბურთი მიიღეს. მატჩის მიწურულს, 84-ე წუთზე “ჰაიდუკის” კონტრშეტევას გოლი მოჰყვა. კოასიმ დუბლი შეასრულა.

თამაშის საფინალო რეზულტატი 89-ე წუთზე დაფიქსირდა. შეტევის მარჯვენა ფლანგიდან დინამოელებმა კუთხურის ჩამოწოდების უფლება მოიპოვეს. სტანდარტიდან დარკო გლიშიჩმა საჯარიმოში ჩაჰკიდა, სადაც ყველას დორინ გოგამ დაასწრო და თავური დარტყმით ანგარიშში ჩამორჩენა შეამცირა.

“დინამო” (თბილისი) – “ჰაიდუკი” (სპლიტი) 1:2 (0:1)

“დინამო”: ლორია (დაუშვილი, 30), პაპავა, გველესიანი, რეხვიაშვილი, კვირკველია, ცინცაძე, ჩისკო (ვოუ, 46), ჯანელიძე (გლიშიჩი, 46), ძარია (გორგიაშვილი, 77), დიასამიძე (გოგა, 46), მოდებაძე (პაპუნაშვილი, 68).

“ჰაიდუკი”: კალინიჩი, ვრშაევიჩი, მალოჩა, მილოვიჩი, მილიცი, ბრადარიჩი, სუშიჩი, ანდრიაშევიჩი, მაგლიცა, აბდუხოლილოვი (იოზინოვიჩი 79), კოასი.

გოლები: 0:1 კოასი (34), 0:2 კოასი (84), 1:2 გოგა (89).

www.fcdinamo.ge

http://www.youtube.com/watch?v=rf7N-3dSWOg&feature=youtu.be