დღეს გვიან საღამოს ბაზელის Swiss Indoors Basel-ის მეოთხედფინალში როჯერ ფედერერი სადღეისოდ რეიტინგსიის 22-ე ნომერს გრიგორ დიმიტროვს შეხვდება. მოახლოებული მატჩის წინ 22 წლის სამხრეთსლავმა  ATP-ის ოფიციალურ ვებგვერდთან კომენტარი გააკეთა.

“ყოველთვის ვოცნებობდი ფედერერის წინააღმდეგ თამაშზე. როჯერი ხომ ყველა დროის უძლიერესი მოთამაშეა და ჩოგბურთის განვითარებაშიც დიდი წვლილი აქვს შეტანილი. მასთან შეხვედრით მეც ჩოგბურთის ისტორიის ნაწილი გავხდები. მოუთმენლად ველი ბაზელის ტურნირის მეოთხედფინალს”, - აცხადებს დიმიტროვი.

აქვე შეგახსენებთ, რომ ბაზელის შარშანდელი ტურნირის ფინალში არგენტინელმა ხუან მარტინ დელ პოტრომ 3 სეტით მოახერხა ფედერერის ძლევა და შეჯიბრების ჩემპიონი გახდა. 

ბაზელის ტურნირის მეოთხედფინალში ერთმანეთს შეხვდებიან

როჯერ ფედერერი (შვეიცარია) – გრიგორ დიმიტროვი (ბულგარეთი)

ხუან მარტინ დელ პოტრო (არგენტინა) – პოლ ანრი მატიე (საფრანგეთი)

ედუარდ როჟე-ვასელინი (საფრანგეთი) – დანიელ ბრანდსი (გერმანია)

ივან დოდიგი (ხორვატია) – ვაშეკ პოსპიშილი (კანადა)