მადრიდის “ატლეტიკოს” ბრაზილიელ ფორვარდ დიეგო კოსტას, რომელიც ესპანეთის ნაკრებში თამაშის სურვილს გამოთქვამს, უახლოეს პერიოდში ბრაზილიის ეროვნულ გუნდში გამოიძახებენ.
ბრაზილიის ფეხბურთის კონფედერაციის ოფიციალური საიტის ინფორმაციით, ნაკრების მთავარი მწვრთნელი ლუის ფელიპე სკოლარი, 25 წლის თავდამსხმელს, ჰონდურასთან და ჩილესთან გასამართ ამხანაგური მატჩებისთვის გამოიძახებს, რომლებიც 16 და 19 ნოემბერსაა დანიშნული.
“შესაბამისი დოკუმენტები უკვე გაგზავნილია ფიფაში” - წერია განცხადებაში.
დიეგო კოსტას ბრაზილიის ეროვნული ნაკრების მაისურით ორ ამხანაგურ თამაშში აქვს მონაწილეობა მიღებული, მაგრამ ახლახანს მან ესპანეთის მოქალაქეობა მიიღო. ბრაზილიელს ამ ქვეყნის ნაკრების მაისურით თამაში აქვს გადაწყვეტილი და ესპანელებმაც ფიფას შესაბამისი მოთხოვნით უკვე მიმართეს.
