მსოფლიოს 2014 წლის საფეხბურთო ჩემპიონატის შესარჩევ ციკლში, საქართველოს ნაკრებთან 0:0 დასრულებული შეხვედრის შემდეგ, საფრანგეთის ეროვნული გუნდის მთავარმა მწვრთნელმა დიდიე დეშამმა აღნიშნა, რომ მომავალში “სამფეროვნებმა” უფრო შემტევი ფეხბურთი უნდა ითამაშონ.
-მატჩის შემდეგ როგორი შეგრძნება გაქვთ?
დიდიე დეშამი: “საწყის ერთ საათში ბევრი საგოლე მომენტი გვქონდა. ქართველებმა ამ თამაშში კარგი შედეგი აჩვენეს. დასანანია, რომ ვერ მოვიგეთ. უფრო მეტი უნდა გაგვეკეთებინა”.
- რატომ ვერ მოიგეთ? ქართველებისგან ასეთ თამაშს ელოდით?
- იმიტომ, რომ გოლი ვერ გავიტანეთ.
- არასასურველ შედეგს რას დააბრალებდით?
- შეგრძნება მაქვს, თითქოს რაღაც დავაკელით. მეტი უნდა გაგვეკეთებინა. ცენტრალურ ხაზში შეცდომები დავუშვით. ამ სიტუაციიდან გამოსავალი ვერ ვიპოვეთ.
- თუ გაქვთ იმედგაცრუება მთელი გუნდის გამო?
- ასე ვერ ვიტყვი. უფრო ვიტყვი, რომ ქართველები კარგად იყვნენ შეჯგუფულნი და მეტის გაკეთების საშუალება არ მოგვცეს. ვერ ვიტყვი, რომ მთელი გუნდის გამო იმედგაცრუებული ვარ.
- თამაშამდე თქვით, რომ სამ ქულას აუცილებლად მოიპოვებდით. ეს მეტოქის შეუფასებლობა ხომ არ იყო? ამ მატჩის მერე ჯგუფში პირველი ადგილის დაკავების შანსი გაქვთ?
- რა თქმა უნდა, შესაძლოა, პირველი ადგილი ვერ დავიკავოთ. მითუმეტეს, ესპანეთმა ფინეთთან მოიგო. თუმცა, თამაშები კიდევ გვაქვს და ვიბრძოლებთ, რომ მე-2 ადგილი ღირსეულად დავიკავოთ.
- როგორ თვლით, გამოსავალი რაა? იმედია, რომ ეს შედეგი დიდი იმედგაცრუება არ იქნება?
-. მომავალში მეტი სიფრთხილე გვმართებს. უფრო მეტად შემტევი თამაში უნდა ვაჩვენოთ. საგოლე მომენტები მეტად გამოვიყენოთ. ვერ ვიტყვი, რომ ეს დიდი იმედგაცრუბეაა. წინ თამაშები კიდევ გვაქვს.
- ხომ არ ფიქრობთ, რომ ამ თამაშის მერე უფრო პოზიტიური განწყობა უნდა იყოს? მითუმეტეს, ჯგუფში მეორე ადგილი პესიმისტური განწყობის საფუძველს არ იძლევა...
- რა თქმა უნდა, ამის მომხრე ვარ. ჯგუფში პირველი ადგილის დაკავების ამბიცია გვაქვს, მაგრამ მეორე ადგილიც ცუდი შედეგი არაა. ამიტომ, გუნდში პესიმისტური განწყობა არ უნდა იყოს. ამის შესახებ ფეხბურთელებთან აუცილებლად ვისაუბრებ.
- ამ ფორმაციის საფრანგეთის ნაკრებთან ერთად რას გეგმავთ?
- ჩვენ მსოფლიო ჩემპიონატზე მაქსიმალურ შედეგს ველით. საქართველოს ნაკრებიდან კი ოქრიაშვილს გამოვარჩევდი, რომელიც საუკეთესო იყო. მთელმა გუნდმა კარგი შედეგია აჩვენა, მაგრამ ოქრიაშვილი ყველაზე მეტად გამოირჩეოდა.
- მომავალ თამაშებში რას გამოასწორებთ?
- ხარვეზებს გამოვასწორებთ. მეტოქეებს უფრო მეტად შემტევი თამაში უნდა შევთავაზოთ.
