მადრიდის “რეალის” ნახევარმცველმა ანხელ დი მარიამ განაცხადა, რომ უახლოეს პერიოდში, კლუბის შეცვლას არ გეგმავს. Marca-ს ცნობით, არგენტინელი არც კონტრაქტის გახანგრძლივებას ჩქარობს.
“რეალში” ყველაფრით კმაყოფილი ვარ და ახალი ხელშეკრულება არ მომითხოვია. ფეხბურთელი, რომელიც არ თამაშობს, კონტრაქტის გახანგრძლივებას ვერ მოითხოვს. “რეალის” დატოვებას არ ვაპირებ და მხოლოდ ამ კლუბზე ვფიქრობ. ეს თქვენ, ჟურნალისტები მიშვებთ “ტოტენჰემსა” და სხვა გუნდებში.
ბეილი? ვიცოდი, რომ 100 მილიონი ევროს ღირებულების ფეხბურთელი აუცილებლად ითამაშებდა”, - განაცხადა დი მარიამ.
