დევისის თასის მეოთხედფინალისტთა სიას ბოლოს დიდი ბრიტანეთი და იტალია შეუერთდნენ. ალბიონელებს და აპენინელებს გადამწყვეტი ქულები ენდი მარეიმ და ფაბიო ფონინიმ მოუპოვეს. დიდი ბრიტანეთის სახელით მოთამაშე შოტლანდიელმა ამერიკელ სემ კუერის 7:6, 6:7, 6:1, 6:3 სძლია, თავის გუნდს მესამე ქულა მოუტანა და მეოთხედფინალში გაიყვანა.

იტალიელებს რაც შეეხება, მათაც ანალოგიური ანგარიშით (3:1) დაამარცხეს არგენტინელები. მარეის მსგავსად ფონინისაც გადამწყვეტი ქულის მოსაპოვებლად ოთხსეტიანი პაექრობის ჩატარება დასჭირდა – ფონინიმ კარლოს ბერლოკს 7:6, 4:6, 6:1, 6:4 მოუგო.

მეოთხედფინალში ერთმანეთს შეხვდებიან

1. ყაზახეთი – შვეიცარია

2. დიდი ბრიტანეთი - იტალია

3. გერმანია – საფრანგეთი

4. ჩეხეთი – იაპონია

მეოთხედფინალური პაექრობები 4-6 აპრილს ჩატარდება, ნახევარფინალში კი ერთმანეთს 1-2 და 3-4 წყვილებში მოგებულები დაუპირისპირდებიან.