“მანჩესტერ სიტის” არგენტინელი ცენტრალური მცველი მარტინ დემიკელისი, “ქალაქელთა” შემადგენლობაში სადებიუტო თამაშის ჩატარების შემდეგ, ამბიციურ კომენტარს აკეთებს და აცხადებს, რომ ის ძირითად შემადგენლობაში ადგილის მოსაპოვებლად იბრძოლებს.

“თავს 20 წლის ბიჭივით ვგრძნობ. მსოფლიოს საუკეთესო ლიგაში თამაშით შეუფასებელ გამოცდილებას ვღებულობ. ამბიციით აღსავსე ვარ. არ მინდა, მეორეხარისხოვანი ფეხბურთელი ვიყო. ჩემი მიზანი კლუბისთვის სარგებლის მოტანაა.

ჩემი მუხლი კარგად გამოიყურება. ამიტომ, ვფიქრობ, “ნიუკასლთან” სათამაშოდ მზად ვარ და საერთოდ, ძირითად შემადგენლობაში ადგილის მოსაპოვებლად სერიოზული ბრძოლის გამართვას ვაპირებ.” – ციტირებს დემიკელისის სიტყვეს Sky Sports-ი.

მარტინ დემიკელისი “სიტიში” გასულ ზაფხულში გადავიდა, მაგრამ ტრავმის გამო, მისი დებიუტი მხოლოდ გასულ უქმეებზე, “ჩელსისთან” 1:2 წაგებულ შეხვედრაში შედგა.