39 წლის იტალიელი თავდამსხმელი ალესანდრო დელ პიერო, ასაკის მიუხედავად, ფეხბურთისთვის თავის დანებებას არ აპირებს და იმ გუნდს ეძებს, რომელშიც კარიერას განაგრძობს.
“გაჩერება არ შემიძლია. ახალი სეზონის დაწყებამდე უნდა შევარჩიო გუნდი, რომელიც ყველაზე მეტად მაწყობს. ყოველთვის საუკეთესო მინდა, მაგრამ ჩემი უპირველესი ამოცანა თამაშია.
ვიცი, რომ 90 წლამდე ვერ ვითამაშებ, მაგრამ ვგრძნობ, რომ კიდევ ერთი სეზონის უმაღლეს დონეზე ჩატარება შემიძლია.” – აცხადებს “იუვენტუსის” ლეგენდა, რომელიც 2012-2014 წლებში ავსტრალიურ “სიდნეიში” თამაშობდა.
