“რომას” ოფიციალურ ვებგვერდზე იმ 27 ფეხბურთელის სია გამოქვეყნდა, რომლებსაც რუდი გარსია წინასასეზონო მზადების დროს გამოიყენებს. საინტერესო ისაა, რომ ამ სიაში ვერ მოხვდა დანიელე დე როსი. Daily Mail-მა ეს იმის მტკიცებულებად მიიჩნია, რომ 29 წლის ნახევარმცველი ლონდონის “ჩელსიში” გადასვლასთანაა ახლოს.

გავრცელებული ინფორმაციით, ჟოზე მოურინიო “ვალენსიაში” წასული ორიოლ რომეუს ნაცვლად გუნდში დე როსის მიწვევას აპირებს. სახელდება ტრანსფერის სავარაუდო თანხაც – 11 მილიონი ფუნტი.