იტალიურმა “ნაპოლიმ” ჩემპიონთა ლიგის ჯგუფური ეტაპის დასკვნით მატჩში ლონდონის “არსენალი” 2:0 დაამარცხა, მაგრამ შემდეგ ეტაპზე გასასვლელად ეს საკმარისი არ აღმოჩნდა.

ნეაპოლელებს სანუკვარი მიზნის მისაღწევად ერთი გოლი დააკლდათ, ნამატჩებს კი, გუნდის პრეზიდენტმა აურელიო დე ლაურენტისმა Sky Sport italia-სთან განაცხადა:

“12 ქულა ბევრ რამეზე მეტყველებს. მოხარული ვარ, რომ მოვიგეთ და ამავდროულად, კარგად ვითამაშეთ. ეს იმაზე მეტყველებს, რომ რაფაელ ბენიტესი კარგად მუშაობს და გუნდსაც მეტი პოტენციალი აქვს. ახლა უკვე ზუსტად ვიცი, რომ რამდენიმე ახალი ფეხბურთელის გაფორმებით სოლიდურ გუნდად ვიქცევით. ახლა აუცილებელია, რომ გამარჯვებების მიმართ პროვინციალური დამოკიდებულებებისგან გავთავისუფლდეთ და იმისგანაც, რომ თითქოს ნებისმიერი მარცხი აბსოლიტურად ყველაფრის დასასრულია. ჩვენ ხანგრძლივი პროექტი გვაქვს და ის ბოლომდე განხორციელდება”.