18 წლის ქართველი ფორვარდი დავით დარციმელია იმ ფეხბურთელთა შორის არ მოხვდა, რომლებიც თბილისის “ლოკომოტივიდან” ქუთაისის “ტორპედოში” გადავიდნენ. შეხსენებისთვის, სწორედ დარციმელიამ გაიტანა ის გოლი, რომელმაც შარშან საქართველოს 17-წლამდელთა ნაკრები ევროპის ჩემპიონატის ნახევარფინალში გაიყვანა: ისლანდიასთან 1:0 მოგებულ მატჩზე ვამბობთ.

დარციმელია ამჟამად პოლონეთის ექსტრაკლასას კლუბში, ბიდგოშჩის “ზავიშაში” ვარჯიშობს. “ზავიშა” ამ ზაფხულს გადავიდა პირველი ლიგიდან ექსტრაკლასაში და 3 ტურის შემდეგ, 1 ქულა აქვს. ქართველთან ერთად, ამ გუნდში “სოსიედადის” დუბლების ფეხბურთელი ხოსება ბეიტიაც ისინჯება.

დარციმელიამ 12 გოლი გაიტანა გასულ სეზონში, რომელიც როგორც უკვე ვთქვით, თბილისის “ლოკომოტივში” გაატარა.