“ატლეტიკოს” ფორვარდმა დავიდ ვილიამ პრიმერადივიზიონის 27-ე ტურში “სელტას” 2:0 დამარცხების შემდეგ განაცხადა, რომ მადრიდული კლუბის მიზანი მიმდინარე სეზონში დარჩენილი ყველა თამაშის მოგებაა. ვიგოელთა კარში ორი გოლის გამტანი ფეხბურთელის კომენტარი Goal.com-მა გაავრცელა.

“ჩვენ სამი ქულა ავიღეთ და მიზნისკენ კიდევ ერთი ნაბიჯი გადავდგით. დარჩენილ შეხვედრებშიც ასეთივე შემართებით ვიბრძოლებთ. ყველა მატჩი უნდა მოვიგოთ. ოქროს მედლის ბედი კი სეზონის ფინიშზე გაირკვევა” – განაცხადა ვილიამ.