მანჩესტერ "სიტის" ესპანელმა შემტევმა ნახევარმცველმა დავიდ სილვამ, გუშინ "ვესტ ბრომვიჩთან" გამართულ შეხვედრაში (3:1) 66-ე წუთზე მეტოქესთან ორთაბრძოლისას მარჯვენა ტერფი დაიზიანა და მოედნიდან საკაცით გაიყვანეს.

"სილვას ფეხი დიდი ხანია აწუხებს, მან რამდენიმე თამაში ტკივილის ფონზე ჩაატარა. წინა მატჩი სანდერლენდის წინააღმდეგ სწორედ ამის გამო გამოტოვა, თუმცა დღეს მაინც დაშავდა" _განაცხადა SKy Sport-თან საუბრისას მანუელ პელეგრინიმ.

ბრიტანული მედიის ინფორმაციით კი, ესპანელი ფეხბურთელი საკუთარ გუნდს ორი ან სამი კვირა ვერ დაეხმარება.

გიორგი ბალახაძე