მსოფლიო რეიტინგის მეხუთე ჩოგანი დავიდ ფერერი განაგრძობს წარმატებულ სვლას მაიამიში მიმდინარე მასტერსზე. მესამე რაუნდის მატჩში 30 წლის ესპანელმა ყველანაირი პრობლემების გარეშე ორ სეტში დაამარცხა იტალიელი ფაბიო ფონინი - 6:1, 7:5.

შეხვედრა 74 წუთს გაგრძელდა და ამ დროის განმავლობაში ფერერმა ოთხჯერ დააბრეიკა მეტოქე, 3 ეისი ჩააწოდა და ერთი ორმაგიც დაუშვა. იტალიელის ანგარიშზე კი ერთი ბრეიკი და 3 შეცდომა გახლდათ საკუთარ ჩაწოდებაზე.

ამ ჩოგბურთელთა ურთიერთდაპირისპირებათა ისტორიაში ანგარიში 6:0 გახდა დავიდის სასარგებლოდ.

ტურნირის მეოთხე წრეში ფერერი იაპონელ კეი ნიშიკორის დაუპირისპირდება, რომელმაც ბელგიელი ქსავიე მალისი 6:2, 7:5 დაამარცხა.