ევროპის ყველაზე პრესტიჟული საკლუბო ტურნირ “ჰაინეკენის თასის” მეორე ტურის შემდეგ, ქართველი ლეგიონერების რვა გუნდიდან დაუმარცხებელი მხოლოდ ორი დარჩა.
პირველ ჯგუფში ანტონ ფეიქრიშვილის “კასტრი” ირლანდიაში “ლენსტერს” ეწვია და 7:19 დამარცხდა. ქართველი პირველხაზელი სასტარტო შემადგენლობაში იყო და 45 წუთი ითამაშა. შეხვედრას 18500 მაყურებელი დაესწრო და მასპინძლებს საკუთარი გამარჯვება ეჭვქვეშ წამითაც არ დაუყენებიათ. სადებიუტო 17 წუთში ირლანდიელებმა სამი ჯარიმა გაიტანეს, რაზეც 32-ე წუთზე დანიშნული შერკინების შემდეგ “კასტრმა” ლელოთი უპასუხა და გარდასახვაც გამოიყენა. 61-ე წუთამდე 2-ქულიანი სხვაობა შენარჩუნდა, მერე “ლენსტერმა” ლელო გაიტანა, გარდასახვა გამოიყენა, ექვს წუთში ერთი ჯარიმაც მიითვალა და 19:7 იმარჯვა.
აღსანიშნავია, რომ დასკვნითი 25 წუთიდან 20 “კასტრმა” კაცნაკლულმა ითამაშა. ფრანგებს 4 ქულა დარჩათ, მე-3 ადგილამდე დაქვეითდნენ და მომდევნო მატჩში 6 დეკემბერს უელსურ “ოსპრეიზს” უმასპინძლებენ.
მე-2 ჯგუფში გამარჯვებასთან ახლოს იყო თასის მფლობელი, კოტე მიქაუტაძისა და ლევან ჩილაჩავას “ტულონი”, მაგრამ უელსში “კარდიფისგან” საფინალო სასტვენამდე 3 წუთით ადრე ლელო-გარდასახვა გაუშვა და 15:19 დამარცხდა. ქართველი ლეგიონერები განაცხადში არ იყვნენ. მიუხედავად მარცხისა, ფრანგებმა პრემიალური ქულა აიღეს, 6 ქულით ჯგუფის ლიდერებად რჩებიან და ინგლისურ “ექსეტერს” დამატებითი მაჩვენებლებით უსწრებენ. მომავალ ტურში “ტულონი” 7 დეკემბერს სწორედ ინგლისს ეწვევა.
III ჯგუფში დაუმარცხებელია ვასილ კაკოვინისა და ჯაბა ბრეგვაძის “ტულუზა”, რომელიც ერთი კვირის წინ “ძებრეს” ძლევის შემდეგ ინგლისში “სერასინსს” ეწვია და 61248 მაყურებლის თვალწინ 17:16 დაამარცხა. ქართველი ლეგიონერები ტრავმირებულები არიან და განაცხადში არ იყვნენ. ინგლისელებმა ტაიმი 13:7 მოიგეს და მერე მონაგარი 3 ქულით გაზარდეს, მაგრამ ფრანგებმა 66-ე წუთზე ჯარიმა, ხოლო კიდევ სამ წუთში ლელო-გარდასახვა გაიტანეს და მინიმალური სხვაობით იმარჯვეს. “ტულუზას” 9 ქულა აქვს, ჯგუფის ლიდერია და 8 დეკემბერს ირლანდიურ “კონახტს” მასპინძლობს.
IV ჯგუფში დაუმარცხებელია დავით ხინჩაგიშვილის “რასინგ მეტრო”, რომელიც “სკარლეტს” უელსში ეწვია და 26:26 დაუზავდა. ქართველი ლეგიონერი განაცხადში არ იყო. ამავე ჯგუფში დავით ზირაქაშვილის “კლერმონმა” ინგლისურ “ჰარლექუინსს” უმასპინძლა და 23:16 იმარჯვა. ქართველმა პირველხაზელმა ერთი კვირის წინ ტრავმა მიიღო და განაცხადში არ იყო. ფრანგებს 25 წუთში სამი ლელო ჰქონდათ გატანილი და 20:6 იგებდნენ, მაგრამ მეოთხე, პრემიალური ლელო ვერ დადეს. “რასინგ მეტროს” 6 ქულა აქვს და ჯგუფს “სკარლეტსთან” ერთად ლიდერობს, ხოლო “კლერმონი” 5 ქულით მე-3 ადგილზეა. მომდევნო ტურში 7 დეკემბერს “კლერმონი” “სკარლეტს” მასპინძლობს, ხოლო “რასინგ მეტრი” “ჰარლექუინსს” დაუხვდება.
V ჯგუფში მამუკა გორგოძისა და მიხეილ ნარიაშვილის “მონპელიემ” ირლანდიურ “ოლსტერს” უმასპინძლა და 8:25 დამარცხდა. ტრავმამოშუშებული გორგოძე სასტარტო შემადგენლობაში იყო და 62 წუთი ითამაშა. ტრავმა მოიშუშა და შეცვლაზე 46-ე წუთიდან ითამაშა ნარიაშვილმა. “მონპელიეს” 4 ქულა დარჩა და მე-3 ადგილზეა, მომდევნო ტურში კი, ინგლისში “ლესტერს” 8 დეკემბერს ეთამაშება.
VI ჯგუფში გიორგი ჟღენტის “პერპინიანმა” დიმიტრი ბასილაიას “ედინბურგს” უმასპინძლა, 31:14 იმარჯვა და პრემიალური ქულაც ჩაიწერა. ბასილაია შოტლანდიელთა განაცხადში არ იყო, ჟღენტმა პირველიდან 52-ე წუთამდე ითამაშა. “პერპინიანი” 6 ქულით პირველ ადგილზეა, ხოლო “ედინბურგი” 4 ქულით მე-3 საფეხურზეა. 8 დეკემბერს ფრანგები ირლანდიაში “მანსტერს” ეთამაშებიან, ხოლო შოტლანდიელები ინგლისურ “გლოსტერს” მასპინძლობენ.
2013/2014 წლების ჰაინეკენის თასი. ჯგუფური ეტაპი. II რაუნდი
I ჯგუფი
ლენსტერი (ირლანდია) - კასტრი (საფრანგეთი) 19:7
ნორთჰემპტონი (ინგლისი) - ოსპრეიზი (უელსი) 27:16
| 1 | ლენსტერი | 2 | 2 | 0 | 0 | 38-16 | 8 |
| 2 | ნორთჰემპტონი | 2 | 1 | 0 | 1 | 40-35 | 5 |
| 3 | კასტრი | 2 | 1 | 0 | 1 | 26-32 | 4 |
| 4 | ოსპრეიზი | 2 | 0 | 0 | 2 | 25-46 | 0 |
მომდევნო ტური. 6-7 დეკემბერი
კასტრი - ოსპრეიზი
ნორთჰემპტონი - ლენსტერი
II ჯგუფი
კარდიფი (უელსი) - ტულონი (საფრანგეთი) 19:15
გლაზგო (შოტლანდია) - ექსეტერი (ინგლისი) 20:16
| 1 | ტულონი | 2 | 1 | 0 | 1 | 66-47 | 6 |
| 2 | ექსეტერი | 2 | 1 | 0 | 1 | 60-49 | 6 |
| 3 | კარდიფი | 2 | 1 | 0 | 1 | 48-59 | 5 |
| 4 | გლაზგო | 2 | 1 | 0 | 1 | 48-67 |
5 |
მომდევნო ტური. 6-7 დეკემბერი
კარდიფი - გლაზგო
ექსეტერი - ტულონი
III ჯგუფი
სერასინსი (ინგლისი) - ტულუზა (საფრანგეთი) 16:17
ძებრე (იტალია) - კონახტი (ირლანდია) 6:33
| 1 | ტულუზა | 2 | 2 | 0 | 0 | 55-21 | 9 |
| 2 | კონახტი | 2 | 1 | 0 | 1 | 50-29 | 5 |
| 3 | სერასინსი | 2 | 1 | 0 | 1 | 39-34 | 5 |
| 4 | ძებრე | 2 | 0 | 0 | 2 | 11-71 | 0 |
მომდევნო ტური. 7-8 დეკემბერი
ძებრე - სერასინსი
ტულუზა - კონახტი
IV ჯგუფი
სკარლეტსი (უელსი) - რასინგ მეტრო (საფრანგეთი) 26:26
კლერმონი (საფრანგეთი) - ჰარლექუინსი (ინგლისი) 23:16
| 1 | სკარლეტსი | 2 | 1 | 1 | 0 | 59-52 | 6 |
| 2 | რასინგ მეტრო | 2 | 1 | 1 | 0 | 39-35 | 6 |
| 3 | კლერმონი | 2 | 1 | 0 | 1 | 32-29 | 5 |
| 4 | ჰარლექუინსი | 2 | 0 | 0 | 2 | 42-56 | 2 |
მომდევნო ტური. 7 დეკემბერი
კლერმონი - სკარლეტსი
რასინგ მეტრო - ჰარლექუინსი
V ჯგუფი
ლესტერი (ინგლისი) - ბენეტონი (იტალია) 34:3
მონპელიე (საფრანგეთი) - ოლსტერი (ირლანდია) 8:25
| 1 | ოლსტერი | 2 | 2 | 0 | 0 | 47-24 | 8 |
| 2 | ლესტერი | 2 | 1 | 0 | 1 | 50-25 | 6 |
| 3 | მონპელიე | 2 | 1 | 0 | 1 | 35-35 | 4 |
| 4 | ბენეტონი | 2 | 0 | 0 | 2 | 13-61 | 0 |
მომდევნო ტური. 7-8 დეკემბერი
ოლსტერი - ბენეტონი
ლესტერი - მონპელიე
VI ჯგუფი
მანსტერი (ირლანდია) - გლოსტერი (ინგლისი) 26:10
პერპინიანი (საფრანგეთი) - ედინბურგი (შოტლანდია) 31:14
| 1 | პერპინიანი | 2 | 1 | 0 | 1 | 53-41 | 6 |
| 2 | მანსტერი | 2 | 1 | 0 | 1 | 49-39 | 5 |
| 3 | ედინბურგი | 2 | 1 | 0 | 1 | 43-54 | 4 |
| 4 | გლოსტერი | 2 | 1 | 0 | 1 | 37-48 | 4 |
მომდევნო ტური. 8 დეკემბერი
მანსტერი - პერპინიანი
ედინბურგი - გლოსტერი
