დონეცკის “შახტარის” ხორვატმა ნახევარმცველმა დარიო სრნამ ჩემპიონთა ლიგის ჯგუფური ეტაპის პირველ ტურში ესპანური “რეალ სოსიედადის” სტუმრად 2:0 ძლევის შემდეგ განაცხადა, რომ ამ გამარჯვების დღესასწაულად გადაქცევა არ ღირს.
“გუნდმა ძალიან კარგად ითამაშა და დამსახურებული სამი ქულაც მოიპოვა, მაგრამ ამ წარმატების გამო ზეიმის დაწყება საჭირო არაა. ეს “შახტარის” მაქსიმუმი არაა. გაცილებით კარგად თამაშიც შეგვიძლია და ეს მომავალ მატჩებში უნდა დავამტკიცოთ. დღესასწაულის მოწყობა ჯერ ძალიან ადრეა. სჯობს გეგმაზომიერად მუშაობა განვაგრძოთ” – ციტირებს დარიო სრნას სიტყვებს უკრაინული პრესა.
