საჩხერეს “ჩიხურა” გაძლიერებას განაგრძობს, ორი დღის წინ საჩხერელებმა “ვიტ ჯორჯიადან” გუნდის საუკეთესო მოთამაშე, ნახევარმცველი გიორგი კორიფაძე დაიმატეს, “ზუგდიდიდან” კი მეკარე მაქსიმე ქვილითაია. ასევე გუნდს დაუბრუნდნენ იჯარის წესით ჭიათურაში განათხოვრებული თორნიკე მუმლაძე და “დინამოდან” გიორგი რეხვიაშვილი.

დღეს კი კიდევ ერთი ფეხბურთელი დაიმატა “ჩიხურამ”, მარტვილის “მერანის” ყოფილი ნახევარმცველი ლაშა კუჭუხიძე.

ლაშა კუჭუხიძე: “კონტრაქტს დღეს მოვაწერე ხელი და 2 წლიანია. მიხარია, რომ “ჩიხურაში” ვარ, ძალიან მეგობრული გუნდია. ევროთასებზე  მოგვიწევს ასპარეზობა და შევეცდები ჩემი წვლილი შევიტანო “ჩიხურას” წარმატებაში.

ედემი ელერჯია