საფეხბურთო კლუბი “ჩერნომორეცი”, თორნიკე ოქრიაშვილთან საიჯარო ხელშეკრულების გაფორმებას უარყოფს. ამის შესახებ, ინტერნეტგამოცემა terrikon.com-ი უკრაინულ ტელეარხ “ფუტბოლ 1”-ზე დაყრდნობით იუწყება.

“ჩერნომორეცში” აცხადებენ, რომ 21 წლის ფეხბურთელი, ოდესურ კლუბში, ჯერჯერობით, მხოლოდ სინჯებზეა.

საქართველოს ეროვნული ნაკრების ნახევარმცველი რამდენიმე დღეა თურქეთში შეკრებაზე მყოფ “ჩერნომორეცის” რიგებში ვარჯიშობს და ალბანურ “კუკესისთან” მოგებულ (4:1) ამხანაგურ მატჩში გოლიც გაიტანა.

ოქრიაშვილის სატრანსფერო უფლებები დონეცკის “შახტარს” ეკუთვნის და მიმდინარე სეზონის პირველი ნახევარი მარიუპოლის “ილიჩივეცში” გაატარა იჯარით.