ზაფხულის სატრანსფერო სეზონში, ლონდონის “ჩელსი” კატალონიის “ბარსელონას” საინტერესო წინადადებით მიმართავს – AS-ის ცნობით, “არისტოკრატები” კატალონიელ კოლეგებს ხუან მატას ალექსის სანჩესში გაცვლას შესთავაზებენ.
ბრიტანული ტაბლოიდები ირწმუნებიან, რომ “სტემფორდ ბრიჯზე” ჟოზე მოურინიოს დაბრუნების შემდეგ, გუნდში ესპანელი ადგილს დაკარგავს. მატას სატრანსფერო ღირებულება 20 მილიონი ევროა და არაა გამორიცხული, ლონდონელებმა მისი გაყიდვაც კი გადაწყვიტონ.
თავის მხრივ, სანჩესს “ბარსელონაში” ხშირად აკრიტიკებენ და სავსებით შესაძლებელია, გარემოს გამოცვლა მოისურვოს.
