ლონდონის “ჩელსის” ოფიციალური ვებგვერდის ცნობით, 19 წლის ბრაზილიელი შემტევი ლუკას პიაზონი, მომდევნო სეზონში, “ქართულ” “ვიტესში” ითამაშებს.

პიაზონი “ჩელსიში” 2012 წელს გადავიდა, ხოლო გასული სეზონის მე-2 ნახევარი მან, არენდის წესით, “მალაგაში” გაატარა. ლონდონელთა მაისურით პიაზონს 3-ჯერ უთამაშია. მის აქტივში 2 საგოლე გადაცემაა. ამდენივე შედეგიანი გადაცემით მან თავი “მალაგაში” ჩატარებულ 14 მატჩში გამოიჩინა.

შეგახსენებთ, რომ ჰოლანდიური “ვიტესის” პრეზიდენტი მერაბ ჟორდანიაა, ხოლო ამ გუნდში გიორგი ჭანტურია, ვალერი ყაზაიშვილი და გურამ კაშია თამაშობენ.