ლონდონის “ჩელსის” თავკაც ჟოზე მოურინიოს მადრიდის “რეალის” შუახაზელის – ჩაბი ალონსოს გადაბირება სურს. ბრიტანული პრესის ცნობით, პორტუგალიელმა სპეციალისტმა ყოფილი შეგირდის შესაძენად გეგმა უკვე შეიმუშავა.
მოურინიოს სურს, რომ ალონსოს ტრანსფერში ხუან მატა ჩართოს და საჭიროების შემთხვევაში, ესპანელ გარემარბს თანხაც დაემატოს. ამგვარად, “რეალისთვის” მატას + თანხა ურიგო ვარიანტი არაა, რადგან ალონსოს მადრიდელებთან კონტრაქტი ზაფხულში ეწურება და მის გახანგრძლივებაზე საუბარი, ჯერჯერობით, არაა.
რამდენადაც ცნობილია, “რეალი” მატას შეძენით დაინტერესებულია.
