კატალონიის “ბარსელონას” ვეტერანმა ნახევარმცველმა ჩავი ერნანდესმა განაცხადა, რომ “ნიუ იორკ რედ ბულსში” გადასვლას არ გეგმავს. ვეტერან შუახაზელს კარიერის დასრულება “კამპ ნოუზე” სურს.

“მე ნიუ იორკში გამისტუმრეს? სიმართლე გითხრათ, აშშ-დან წინადადება საერთოდ არ მიმიღია. ამ ქალაქზე რაც ვიცი ისაა, რომ ახლა ძალიან ცივა. კარიერის “ბარსელონაში” დასრულება ჩემი მიზანია. მესმის, რომ ეს რთული იქნება, რადგან ასეთი დონის კლუბში უმაღლესი კლასი უნდა შეინარჩუნო. შესაძლოა, მოხდეს ისე, რომ კონკურენციას ვერ გავუძლო”, - განუცხადა ნახევარმცველმა ესპანურ მედიას.

ცნობისათვის, ჩავის “ბარსელონასთან” კონტრაქტი 2016 წლამდე აკავშირებს.