ტურინის “იუვენტუსის” კარის დარაჯი ჯანლუიჯი ბუფონი ჩემპიონთა ლიგის მოგების იმედს არ კარგავს მიუხედავად იმისა, რომ მისი გუნდი, ამ ტურნირზე, მიმდინარე სეზონში, ვეღარ ითამაშებს.

“ისევე, როგორც გასულ წლებში, ჩემპიონთა ლიგის მოგებაზე ახლაც ვოცნებობ. ამ ტურნირზე გამარჯვება ჩემი მიზანი და ოცნებაა, რომლის ასრულების იმედს არ ვკარგავ.

მიმაჩნია, რომ ჩვენი გუნდი ევროტურნირებზე წარმატებით თამაშისთვის მზადაა. “იუვენტუსს” ჩემპიონთა ლიგაზე მოთამაშე გუნდებისთვის წინააღმდეგობის გაწევა შეუძლია, თუმცა, “ბაიერნს”, “ბარსელონასა” და “რეალს” უფრო მეტი ვარსკვლავი ჰყავთ.” – ციტირებს ბუფონის სიტყვებს Corriere dello Sport-ი.

შეგახსენებთ, რომ “იუვენტუსმა”, ჩემპიონთა ლიგის მიმდინარე გათამაშებაში, ჯგუფური ეტაპი ვერ დასძლია.