სტამბულის “ფენერბახჩემ” სანკტ-პეტერბურგის “ზენიტისგან” 31 წლის მცველი ბრუნუ ალვეში შეიძინა. ამ ინფორმაციას თურქული კლუბის ოფიციალური საიტი ადასტურებს.
როგორც ირკვევა, პორტუგალიელმა ახალ კლუბში სამედიცინო შემოწმება ჯერ კიდევ ოთხშაბათს გაიარა, მაგრამ ტრანსფერი ოფიციალურად ახლაღა გახმაურდა. ბრუნუ ალვეშმა სტამბულელებს თავისი მომავალი 3 წლით დაუკავშირა.
“ფენერბახჩეს” ვეტერანი უკანახაზელის ტრანსფერი 5.5 მილიონი ევრო დაუჯდა. წლიური ხელფასის სახით, ბრუნუ ალვეში 2.5 მილიონ ევროს მიიღებს.
