სამშაბათს, რიო დე ჟანეიროში, მომავალი მსოფლიო ჩემპიონატის ოფიციალური ბურთი – “ბრაზუკა” წარმოადგინეს, რომელიც ფეხბურთელებს ძალიან მოეწონათ. მაგალითად, ინგლისის ნაკრების კაპიტანმა სტივენ ჯერარდმა თქვა: ასეთი კომფორტული ბურთით არასოდეს მითამაშიაო.
ბურთი ტრადიციულად adidas-მა დაამზადა. ეს დიზაინი 2012 წელს, დაახლოებით მილიონი ბრაზილიელის გამოკითხვის შედეგად შეირჩა. “ბრაზუკა” პორტუგალიურად “ბრაზილიელს” ნიშნავს, ხოლო ნახატები ბრაზილიური ცხოვრების სტილს ასახავს.
