“ლოს ანჟელეს ლეიკერსის” ლიდერი კობი ბრაიანტი, სავარაუდოდ, სეზონის დარჩენილ ნაწილსაც გამოტოვებს და აღნიშნულის შესახებ კალიფორნიული კლუბი ოფიციალურ განცხადებას უახლოეს დღეებში გააკეთებს. ამის თაობაზე ინფორმაციას The Bleacher Report ავრცელებს.

წინასწარი გათვლებით, კობის მარცხენა მუხლის ტრავმის გამო, 6 კვირა უნდა გამოეტოვებინა, თუმცა, თუკი ზემოაღნიშნული ვარაუდი გამართლდა, ამერიკელი კალათბურთელის ტრავმიანობის პერიოდი 17 კვირას მიაღწევს.

შეგახსენებთ, რომ გასული წლის ნოემბერში ბრაიანტმა “ლეიკერსთან” კონტრაქტი 2 წლით გააგრძელა და მის თანახმად, 48.5 მილიონ დოლარს გამოიმუშავებს.

მიმდინარე სეზონში “ლეიკერსის” უმთავრესმა ვარსკვლავმა მხოლოდ 6 მატჩი ჩაატარა, მისი საშუალო მონაგარი კი 13.8 ქულა, 4.3 მოხსნა და 6.3 პასი გახლდათ.